Fakt yiliga

U 1980 yilda arxitektor Evgeniy Rozanov tomonidan ishlab chiqilgan loyiha asosida barpo etilgan. 1977 yilda Chilonzor yo‘lida tashkil etilgan metro bekati ham “Xalqlar do‘stligi” nomi bilan atalgan bo‘lib, unda maydonga chiqish yo‘lagi ham mavjuddir. Saroy oldidagi maydonda haykaltarosh D. B. Ryabichev, shuningdek L. T. Adamova va S. R. Adilova arxitektorlari asari bo‘lgan Shomahmudovlar oilasiga qo‘yilgan haykal, Xalqlar do‘stligi haykali sifatida e’tirof etiladi. O‘zbekiston Respublikasi hududida toponomik obyektlarning nomlarini tartibga solish Respublika komissiyasining 2008-yil 7-apreldagi 07-5-16-sonli bayonnomasiga muvofiq, saroy “Istiqlol saroyi” nomiga o‘zgartirildi. 2018-yil 26-aprel kuni bo‘lib o‘tgan videoselektor yig‘ilishida O‘zbekiston Respublikasi Prezidenti Shavkat Mirziyoyev sobiq nomni qaytarishni taklif qildi. Xalq deputatlarining Toshkent shahar kengashi 3-may kuni bo‘lib o‘tgan 36-sessiyada Istiqlol saroyiga “Xalqlar do‘stligi” deb nom berilishini tasdiqladi. Qayta qurishdan so‘ng saroy zali o‘ziga 3 968 kishini sig‘dira oladigan bo‘ldi. Kompleksning umumiy maydoni 12 000 kvadrat metrni tashkil etadi va u 2 208 kvadrat metrdan iborat konsert zalini, 1 152 kvadrat metrlik sahnani, 700 kvadrat metrlik banket zalini, besh qavatli ma’muriy bino, kiyim-kechak xonasi va ovqatlanish bo‘limini o‘z ichiga oladi. “Xalqlar do‘stligi” saroyi O‘zbekistonning asosiy xalqaro va respublika forumlari o‘tkaziladigan konsert zali hisoblanib, u yerda taniqli xorijiy va mahalliy estrada xonandalari hamda ijodiy jamoalarning chiqishlari uyushtiriladi